Ann al lazil (ekstrè)

lazil gen yon ti flè konsa konsa

ki pa rele dizè

ki pa rele jasmen

yon ti flè kwoke nan simityè

wa di yon zo pwason nan gòj

lazil gen yon ti flè konsa konsa

ki pa rele lorye

ki pa rele choublak

yon ti flè kwochi bò pye palmis

wa di yon dan doukla nan djòl

yon ti flè pwatrinè

ki dekore lawout

pou defile timoun sou granri

yon ti flè pye poudre

k’ap chèche doko lavi

nan tou sakpay

lazil gen yon ti flè konsa

ki pa ilan ilan

ki pa rele migè

yon ti flè dan gongon

yon ekzema nan fant zòtèy

A! flè a dekore vwa vwazinay

lè solèy mache bwate

ala ti flè manfouben

gad jan yon ti flè petadò

li pouse kò l bò granchimen

wa di yon bouke flè ri lantèman

lazil gen yon ti flè konsa konsa

yon ti flè pye chofi

ti sizo dore

yon ti flè abòdjò

ki fleri an devenn

de pye devan

tankou kaka zonbi

men…

dèyè do lanmè

yon kannòt chavire

Fred Edson Lafortune

(tèks sa a, se yon ekstrè ki soti nan yon liv ki rele “Ann al lazil”

Advertisements

About EchoCulture.org

Echo Culture, créée en juin 2011 à Providence, Rhode Island (USA), est une association haitienne d’échanges culturelles, apolitique et à but non lucratif. Elle a pour mission de promouvoir l’art et la culture à travers des manifestations culturelles comme la danse, le theatre, la peinture et la litterature.

Posted on 19 December 2011, in Creole poetry. Bookmark the permalink. 2 Comments.

  1. Gisette Jules Richard

    Bravo! je peux imaginer que vous revenez de l”azil etant donne que je suis du Sud par ce poeme vous ne faites que me donner envie de visiter. Quelle bonne facon de prouve votre reconnaissance et votre nostalgie?

Leave a comment / Ecrire un commentaire

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: