Debrabalansepandye

ki kantite gout dlo de popyè je ka rafistole kole

pou ranplase pakèt kriye 2 randlo lapèn ki vide koule

depafini figi yon manman k’ap asiste gade pitit li

k’ap trepase mouri trip kòde!

pòv malerèz! lage abandone! debrabalansepandye!

konbyen tan yon plamen ka rete kole nan machwè pou l soutni tèt

ede l reflechi jwenn epitèt etikèt pou kalifye trete yon papa

chatchoutè mantè, ratdokale fanbre, grandizè kadejakè

granmoun age zokiki devègonde ki fin pran plezijwi

epi, abandone lage yon jènfi debrabalansepandye!

w’ap rankontre yo tout kote, sou plaj nan tout bal klèb motèl otèl

sinema, nan fènwa fonlakou, nan koukawout bakyad,

bèlpòz ekspozisyon fè foto sou gazon yad devankay la

pake oto dayinaflo devan balistrad sou kote yad kay la,

kage, pran frechè, pran gou yad la,

aprè, demake, krazerak, mawon pou pa pran swen

ede grandi jèm fwi yo simen plante ladann!

Ki liv libreri bibliotèk lekòl, ki sistèm nan sosyete a

ki ka ede yon ti moun konprann pouki yo aksepte mete l sou tè a

pou l vi n  fè pi long, pi di chenn mizè yon fanmi poko rive kase?

1-2 -3 …  yon sèl manke! lasentfami kraze!

tò ou  rezon. sezon rekòt babye yanm babye bit. nou tout lakòz!

chanje mèt. chanje metye. chanje pozisyon nou kouche

pou n pa sede a jòf tantasyon yon sèl litani priyè tout tan :

je vous salue. Vous êtes bénie entre toute, entre toute…

si w jèn, sa pa vle di ou nayif, ou sòt. pran tan reflechi!

pa gen mal si w pral n’on fèt, w’al n’on mòl granmagazen achte bèl wòb,

gwo braslè klere, granmak bòt ak plim dore toutarebò lèdebò. bèl! trèbèl!

men, anvan w sòti al jwi lavi pran tan tande previzyon tan an. veye lapli!

si se pa sa, reziyen w, foure pye w nan dlo labou k’ap gen tan sal

tout plim bò bòt la.

Emmanuel  Albert (Toto)

Advertisements

About EchoCulture.org

Echo Culture, créée en juin 2011 à Providence, Rhode Island (USA), est une association haitienne d’échanges culturelles, apolitique et à but non lucratif. Elle a pour mission de promouvoir l’art et la culture à travers des manifestations culturelles comme la danse, le theatre, la peinture et la litterature.

Posted on 14 November 2012, in Creole poetry. Bookmark the permalink. 2 Comments.

  1. Gisette Jules Richard

    Bon, etandonnemap mache debrabalansepadye tou mwen esaye rantre nan nannan poem sa-a ki feme we foto’m ak foto Haiti cherie kap mache mem’m jan avem. epi le fese parol yo pa kompran pouki fam sa-a ap pran kout javlo lang foge parol ki pa me’m konnen tet sos la ki koz dla ap koule nan ravin pou yo vegete, pran plezi epi ale tankou gro matado siprem ak gro vest sou do kol nan kou san yo pa mem’m sonje te gen yon ti ze’k te kale ki bezen nich pou’l chofe poul ka grandi nou mem’m fam tankou Haiti ki premye fam haitienne nou pran kouraj epi nou di:”aba!Aba!” paske jou pay tombe nan dlo sepa jou sa-a’l pouri paske siw gen nin nan fidy-w yon jou wa wont et at tout manman ki we foto yo nan pem sa-a tankou mwen mem’m mwen dedye yo: “Proveb 15 ak 16.” tou le de chapit yo kika sevi yo made pou yo ka pran fos paske le se konsa sa ye move lang yo fe parol mache paske yo bliye ke: “L’homme pervers suscite des querelles, et le rapporteur divise des amis.” Emmanuel Albert, kelkeswa rezon’k fe’w ekri poem sa-a, kite’m di’w mesi pou:”1-2-3″ huummm! ala traka papa. ” ou se yon fam ki sot tandiske gen yon fam ki rele Mari e sete gras a li ki fe nou tout ka jwen yon printan la vie.
    Ke Bondye beni-w pou devide ak fos plis kosman toujou.

  2. “Debrabalansepandye” se dènye mesaj poèt Emmanuel Albert ki, tankou yon fil kouran ki divize an de pou-l distribye kouran elektrik, ap lanse yon pinga bay ni fan-m ni gason ki komèt 2 kalite erè diferan, men ki rele erè paske, depi-w koupe yo kout je pa okipe yo, me ou, me de ran, pou ou tounen Kamèp pa fòs pou wap woze la tè ak «kantite gout dlo de popyè je ka rafistole kole pou ranplase pakèt kriye 2 randlo lapèn ki vide koule ».

    Se konsa, tou dabò, Toto pintire gason san koutcha ki, sè-l sa yo jwen-n plezi fè, se tounen « chatchoutè mantè, ratdokale fanbre, grandizè kadejakè granmoun age zokiki devègonde ». Vagabon konsa pa panse ke zak yo transfòme yo, fè yo tounen gwo injenyè fèblantye mèt faktori deblozay peyi Dayiti puyske, lè yo foure ti moun sa yo konsa san mande kon-t e san chache konnen apre, ti moun san papa e prèske san manman konsa, yap mache tout la sen-t jounen byen toudi paske yo pa sa jwen-n pèsòn pou ta eksplike yo byen klè « pouki yo aksepte mete l sou tè a pou l vi n fè pi long, pi di chenn mizè yon fanmi poko rive kase!»

    Men tou, answit, Toto lage yon bèl kouch pinti sou meda-m yo ki ta dwe ap fè sa Apòt Pòl rekòmande, ki se pou ya-p veye e priye tout tan. Se vre, lè ou jè-n, ou ka pwan fasilman nan tantasyon sa yo rele gouyad dous pou dous nan lang nou, men gen plizyè fason pou nou ta mezire bagay ki ka gen yon gou asorosi anba anba, kòm si, lè-w pwan san-w byen pou ou gade a goch a dwa-t, anlè kon anba, pou ou pwan san-t danje nan siwo myèl, e pou-w apwan-n di non! Men, kite-m kòmante sou sa ak langaj poèt la : “Anvan w sòti al jwi lavi pran tan tande previzyon tan an. veye lapli! Si se pa sa, reziyen w, foure pye w nan dlo labou k’ap gen tan sal tout plim bò bòt la!»

    M-kontan, gason, jan-w pale koze a san pati pri: wi, gason ki bwè san kri-m fè anpil zak madichon ki koze anpil pè-n ak anpil kriye, men gen anpil kalite za-m, la sajès se yon-n ladan yo, ke yon fan-m ka itlilize pou bare la wout devan sanzave san pidè san koutcha kap sabote la sosyete nan tout kwen!

Leave a comment / Ecrire un commentaire

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: