Rèv pa reyalite

 

Pyebwa nan lakou a kanpe san bouje

Tout fèy li ap tranble dlo nan je

Anba yon lapli yenyen tan demwazèl

Tè a ki blayi lontan nan solèy ak tout po figi l fann

Pwofite louvri kò l, souke pousyè alawonnbadè

Simaye lodè tout kote pou resevwa lapli sa a

ki gen lontan l’pat vizite zòn nan

Tè a santi bon!

Yon lodè tè sèk ki tap tann lapli

Yon frechè sant fèy vèt!

Gam nòt grenn lapli byen akòde sou Re bondi tonbe jwe sou Do tòl la

Yon melodi kata kout bagèt ki envite w kouche fèmen je w delala

Kite jwisans detant dodomeya pote w ale

Men, lè m’antre nan chanm nan, pakèt fèy papye fen toutkoulè

M’te sere pou m’dekore anbeli fanal rèv mwen pou fèt la

Tout mouye dechire depatya miyèt mòso

Se vre! kay koule twonpe solèy, men, yon ti farinaj lapli demaske l

M’santi yon vag tristès inonde neye tout anndan m delatètopye

M’anvi kriye rele anmwe

Tout tan se menm penpenp lan!

Pèdi tan tann tanmen retanmen w’ap tann tann anyen pa vle mòde

Men atansyon! Pran tèt ou! Si se rèv ou fè

Ou pakab ap tann

Sa w’ap tann nan?

Rèv pa reyalite

Manje w sere se li w’chofe

Tout ti pwojè, bèl panse ide tout kalite ki la ap bouyi

Nan tèt ou pou anbeli lavi w, tou sa se bèl rèv

Sa w ta vle fè, men ki poko fèt, ki poko reyalite

Fò w lite ak fòs volonte vle rive pou konstwi vi w dabò

Fò w fò pou kenbe lavi rentyò, bourade l, fè l mache

Monte wotè siksè, bote ou reve pou l rive a

Pou w fè sa fò w fò

E, se  efò  k’pou fè w fò

 Emmanuel Albert (Toto)

Advertisements

About EchoCulture.org

Echo Culture, créée en juin 2011 à Providence, Rhode Island (USA), est une association haitienne d’échanges culturelles, apolitique et à but non lucratif. Elle a pour mission de promouvoir l’art et la culture à travers des manifestations culturelles comme la danse, le theatre, la peinture et la litterature.

Posted on 17 January 2013, in Creole poetry. Bookmark the permalink. Leave a comment.

Leave a comment / Ecrire un commentaire

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: