8 MAS

yon refren bolewo Nemou

kole sou po bouch mwen

tout jounen 8 mas la :

« a wi lafam s’on mistè…

yo dous, yo santimantal… 

menm si souvan yo pa sensè

yo rete yon mèvèy paske

bonte yo san parèy …»

 

lafam s’on mistè. li louvri nan

dimansyon lòm delatètozepòl

lè pou l bay lavi, e , li fèmen nan

menm lajè ak bouchon yon boutèy

pafen pou l bay lanmou

 

bèl e bèt byen dèfwa, lafam rete  kanmèm

fidèl ak misyon l sou latè: akonpaye lòm,

pa kite l sèl.  Angle di : li mom depi nan womb

jouk nan tomb, wap toujou wè l manman depi

nan matris vant jouk nan matris latè

 

lafam gen pouvwa sou limyè ak fènwa

li pouse n sòti nan lobskirite zantray li

pou l fè n wè limyè klate lejou. Men, li antre

plonje avè n tou nan profondè nwasè fènwa pou l

kite n apante tout sipèfisi kontou fwontyè kò l

jouk nan lizyè ekstaz nou. pa g’on nèg ki pè

fènwa lè l avèk yon fanm. se nan fè nwa

fè lanmou  pi dous 

 

lafam se senbòl lòd ak disiplin

nan tout biwo, nan tout ofis

lafam se beki nan kay kote poblèm ak

mizè estwopye lavi. se fanm, jodia, ki

kenbe pantalon byen sere nan tay yo

pou fè gwo batzèl wanga nègès, bèl piwèt

madan sara dèyè zepi mayi, dèyè boujon lavi

 

lafam se poto mitan lemonn

lafam reprezante mwatye an

popilasyon moun kap viv sou latè

e, se limenm ankò ki manman lòt

mwatye ki pa fanm nan. Viv Lafam ! Viv lavi !

 

                                     Dedikas avèk anpil respè ak konsiderasyon  pou Joanne Charles.            

                                                                                                  Emmanuel  Albert (Toto)

Advertisements

About EchoCulture.org

Echo Culture, créée en juin 2011 à Providence, Rhode Island (USA), est une association haitienne d’échanges culturelles, apolitique et à but non lucratif. Elle a pour mission de promouvoir l’art et la culture à travers des manifestations culturelles comme la danse, le theatre, la peinture et la litterature.

Posted on 8 March 2013, in Creole poetry. Bookmark the permalink. Leave a comment.

Leave a comment / Ecrire un commentaire

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: